Бангладеш мамлекетинде бир миллион мусулман чогулду

Бангладеш мамлекетинин борбор калаасы Дакка шаарынын алдында ушул күндөрү бир миллионго жакын мусулман таат-ибадат өткөрүүгө чогулууда. "Бисва ижтема" деп аталган бул үч күндүк жыйынга чогулгандар диний жөрөлгөлөрдү так жана убагында аткаруу иштерин талкуулап, аларды бир-бирине көрсөтөт. Сауд Арабиянын Мекке шаарына ажылыкка баргандан кийин бул дүйнөдөгү эң ири мусулман жыйыны. Бангладеш өкмөтүнүн айтымында, өлкө үч миллионго чейин конок күтүүгө даяр.