БАТКЕН. Облустук акимчиликтин аппарат башчысы Каныбек Жороевдон 7-январда алынган маалыматка караганда, телекөрсөтүүнүн чакан жамааттан турган чыгармачылык тобу жаңы жылдан тартып өз ишин баштады. Алар азырынча колдо бар мүмкүнчүлүктү пайдаланып иштеп турушмакчы. Телекөрсөтүү 11-январда 4 сааттык алгачкы берүү менен облус аймагына обого чыгуусу күтүлүүдө. Андан ары ар жекшемби сайын облус аймагына 4 сааттан, ал эми Кыргыз улуттук телекөрсөтүү аркылуу өлкө аймагына айына эки жолу жарым сааттан обого чыгуусу болжолдонууда. Учурда облустук телекөрсөтүүнү баардык шарты бар жаңы студия жана тиешелүү жабдуулар менен камсыздоого аракеттер көрүлүүдө.
