Радован Караджич - босниялык сербдердин 90-жылдардагы согуш учурундагы лидери. Ага аскерий кылмышкер катары Гаагадагы эл аралык трибунал тарабынан издөө салынган. НАТОнун эки күндөн бери Босниянын Пале шаарында аскерий кылмышкерлерди издөө операциясы жүргүзүп жаткан жоокерлери Караджичке көмөк көргөзгөнү үчүн шектелген адамды камакка алды. Мунун алдында аларга Караджич медициналык жардам алуу үчүн Палеге келген болушу мүмкүн деген кабар түшкөн. Ушуга байланыштуу Босниянын Кызыл Чырым уюмунун ооруканасы да тинтүүгө алынды.
