БИШКЕК. 14-январда Бишкектеги «Пинара» мейманканасында Кыргызстан менен Индиянын ишкерлеринин жолугушуусу башталды. Ага Индиянын экспорттук уюмдарынын федерациясы тарабынан жиберилген 20дан ашуун индиялык ишкерлер катышууда. Негизги максат - эки тараптуу экономикалык кызматташтыкты өнүктүрүү. Бул тууралуу Кыргызстандын соода палатасынан кабарлашты. Ал эми 15-январга белгиленген Индиянын коммерция министринин сапары кийинки күндөргө жылдырылды. Бул кабар Тышкы иштер министрлигинин маалымат кызматынан алынды.
