Борбор Азия өлкөлөрүндө маалымат каражаттарын өнүктүрүүгө арналган эки күндүк эларалык конференция башталды

ОШ. Жыйын Борбор Азиядагы медиа каражаттарын өнүктүрүү тууралуу программанын алкагында өтүүдө. «Сөз эркиндиги боюнча цензурага индекс» эларалык журналы түзгөн бул программа Казакстан, Өзбекстан, Кыргызстан жана Тажикстандагы көз карандысыз маалымат каражаттарынын журналисттерине колдоо көрсөтөт. Фергана өрөөнүнө багытталган бул долбоор өрөөндөгү үч өлкөнүн маалымат каражаттарынын байланышын күчөтүүнү көздөйт. Конференцияда журналисттер, саясатчылар жана экспреттер эки күн бою үч мамлекеттин ортосундагы бажы, аймактык талаш-тартыштар, диний экстремизм, улутчулдук, суунун жетишсиздиги жана башка көйгөйлүү маселелер тууралуу маалымат алмашуу маселелерин талкуулашат.