Кечөө күнү кечинде Маскөөнүн түштүк тарабындагы Ясенево муниципалдык районуна караштуу эл эс алуучу «Трансвааль паркы» аталыштагы киши кумга жатып, ысыкка кактанып, сууга түшүп эс алуучу, үстү жука бетон жана айнек менен чылк чүмкөлүү парктын төбөсү түшүп, ичинде эс алып аткандардын кыйласы өмүрүнөн ажырады. Кыйласын дегенибиз, Интерфакс билдирген маалыматта 21 киши курман болгон, ал эми бүгүн эртең менен өлкөнүн Чукул кырдаалдар министрлигинин министри Сергей Шойгунун билдиргенине караганда, түнүчүндө дагы 3 кишинин сөөгү табылган. Андан тышкары оруканага түшкөндөрдүн бирөө көз жумган. Ал эми бул кабар эфирге даярдалып атканда (түшкө маал) келген маалыматта бөйдө ажал тапкандар эсеби 26 кишиге жеткени айтылат. Мындай кабарды «Итар-ТАСС» агенттиги билдирди.
«Трансвааль паркында» сууга түшүп атып, окуяны өз көзү менен көргөндөрдүн айткандарына караганда, парктын түндүгүнүн бер болгондо 70 пайыздай жери көз ирмемде «жалп» деп үзүлүп түшүп, астындагылардын баарын басып калган.
Жарадар болгондордун эсеби 110 кишиге жеткен. Алардын 90 кишиси 13 оруканага жаткырылган. Урандынын астында, дагы, бери болгондо 17 киши бар дешүүдө.
Орусиянын ордо шаарынын акими муну террордук акт дешке болбойт деди.
- Биздин алгачкы баабыз боюнча имаратта жардыруу болгон эмес. Бирок окуянын себебин адистер териштирип чыгуулары керек, - деди Юрий Лужков.
Мэрдин айтканына караганда, кыйроо болоор алдында бассейндерде сууга түшүп аткан 436 киши болгон. Ал эми парктын ичинде ал кезде баш-аягы 1300 киши бар болгон.
Жарадар болгондордун арасынан 17 өспүрүм жана тестиер балдар оруканага жеткирилген. Интерфакс агенттиги билдиргенге караганда, 12 бала хирургиялык бөлүмдө жатат. Белгилүү балдар доктору Леонид Рошалдын маалыматы мындай болду:
- Биздин ооруканага бардыгы 11 бала түшкөн. Экөөнү үйүнө жибердик. Тогузу азырынча мында жатат.
Бассейндер комплексинин жабуусунун түшүп кетишинин себебин адистер менен эксперттер изилдөөгө киришти. Анын себебин кимдир бирөө паркты салгандардан көрсө, дагы бирөө анын долбоорунун чиймесин чийген инженерден көрүүдө. «РИА-Новости» агенттигине берген жообунда атын атагысы келбеген бир эксперт бассейндердин үстүн жапырт чүмкөгөн жука бетон жана айнектен жасалган жабуу парктын ичинин ысып-сууп турушуна жана нымдуулукка туруштук бере албай урап түшкөн.
Дегиңкиси, эки жылга жетпеген мөөнөт мурда түркиялык «Кочак Иншаат» фирмасы салган Ясеневодогу парк мынчалык бат бузулат деп эч ким күтпөгөнүн ким болбосун айтышууда.
«Трансвааль паркында» сууга түшүп атып, окуяны өз көзү менен көргөндөрдүн айткандарына караганда, парктын түндүгүнүн бер болгондо 70 пайыздай жери көз ирмемде «жалп» деп үзүлүп түшүп, астындагылардын баарын басып калган.
Жарадар болгондордун эсеби 110 кишиге жеткен. Алардын 90 кишиси 13 оруканага жаткырылган. Урандынын астында, дагы, бери болгондо 17 киши бар дешүүдө.
Орусиянын ордо шаарынын акими муну террордук акт дешке болбойт деди.
- Биздин алгачкы баабыз боюнча имаратта жардыруу болгон эмес. Бирок окуянын себебин адистер териштирип чыгуулары керек, - деди Юрий Лужков.
Мэрдин айтканына караганда, кыйроо болоор алдында бассейндерде сууга түшүп аткан 436 киши болгон. Ал эми парктын ичинде ал кезде баш-аягы 1300 киши бар болгон.
Жарадар болгондордун арасынан 17 өспүрүм жана тестиер балдар оруканага жеткирилген. Интерфакс агенттиги билдиргенге караганда, 12 бала хирургиялык бөлүмдө жатат. Белгилүү балдар доктору Леонид Рошалдын маалыматы мындай болду:
- Биздин ооруканага бардыгы 11 бала түшкөн. Экөөнү үйүнө жибердик. Тогузу азырынча мында жатат.
Бассейндер комплексинин жабуусунун түшүп кетишинин себебин адистер менен эксперттер изилдөөгө киришти. Анын себебин кимдир бирөө паркты салгандардан көрсө, дагы бирөө анын долбоорунун чиймесин чийген инженерден көрүүдө. «РИА-Новости» агенттигине берген жообунда атын атагысы келбеген бир эксперт бассейндердин үстүн жапырт чүмкөгөн жука бетон жана айнектен жасалган жабуу парктын ичинин ысып-сууп турушуна жана нымдуулукка туруштук бере албай урап түшкөн.
Дегиңкиси, эки жылга жетпеген мөөнөт мурда түркиялык «Кочак Иншаат» фирмасы салган Ясеневодогу парк мынчалык бат бузулат деп эч ким күтпөгөнүн ким болбосун айтышууда.
