БИШКЕК. 17-апрелде Молдованын премьер-министри Василий Тарлев Кыргызстанда ырасмий сапар менен болот. Мындай маалымат бүгүн өкмөттүн басма сөз кызматынан алынды. Ал кабарга караганда, Василий Тарлев КМШдагы мамлекеттердин өкмөт башчыларынын 15-16-апрелде Чолпонатада боло турган саммитине катышат. 17-апрелде расмий сапардын алкагында президент Аскар Акаев, премьер-министр Николай Танаев менен жолугушуп, Кыргызстан менен Молдованын ортосундагы соода-экономикалык кызматташуу тууралуу пикир алышат.