МОСКВА. Архангельск шаарындагы көп кабатуу турак үйдү жардырып жиберген деген шек менен Россияда 26-жаштагы жигит камакка алынды. Архангельск шаарында 16-мартта болгон жардырууда 58 киши курман болуп, жоон топ киши жарат алып, сандаган үй бүлөлөр үй-жайынын ажыраган. Шаардын полициясы мурда калаанын коммуналдык тармагында иштеген жигит азыр суракка алынып жатканын билдирет. Полициянын болжолунда, ишинен сүрүлгөнүнө ыза болгон жигит жардыруу менен бийликтерден өч алуунун көздөгөн. Тергөөчүлөр жигит үйдү анын газ түтүктөрүн ачып койуп, жардырып жибергенин айтышат.
Кечки жаңылыктар түрмөгүн даярдаган - Баян Жумакадыр кызы, Прага
Кечки жаңылыктар түрмөгүн даярдаган - Баян Жумакадыр кызы, Прага
