БИШКЕК. Бүгүн АКШнын Кыргызстандагы элчилиги “Чегарадагы экспортук көзөмөлдөө жана коопсуздук” программасынын алкагында Экология жана өзгөчө кырдаалдар министрлигине 96 миң доллар турган КамАЗ жүк ташуучу автоунааларын тапшырды. Бул тууралуу аталган элчиликтин басма сөз кызматынан билдиришти. Үстүбүздөгү жылы “Чегарадагы экспорттук көзөмөлдөө жана коопсуздук” программасы боюнча АКШ өкмөтү Экология жана өзгөчө кырдаалдар министрлигине карда жүрүүчү чана, “Нива” автомашинасын жардам катарында берген. Келечекте аталган министрликке бир нече миллион АКШ долары өлчөмүндөгү техникалык жардам келиши күтүлүүдө.
