Ошентип, Евробиримдикке кирген өлкөлөр Судан өкмөтүнө каршы санкциялар киргизүү маселесинде мунаса таба алышкан жок. Ырасми Хартумга катаал чаралар аркылуу кысым көрсөтүү демилгесин Германия баш болгон өлкөлөр көтөрүшкөн.
Брюсселдеги жыйында Голландиянын тышкы иштер министри Бернард Бот Евробиримдикти кабатыр кылган жагдайларга ушу тапта Европаны кыдырып жүргөн Судандык башкы дипломат Мустафа Осмон Исмаилдин көңүлүн бурууну сунуш кылды:
- Биз Судан өкмөтүнө кысым көрсөтүүнү улантабыз, ал тууралуу бүгүнкү декларацияда да айтылды. Бирок менимче, андан да маанилүүсү, Судандын тышкы иштер министри менен жолугушууларда да ага Евробиримдиктин көз карашын, азыркы саясатын жакшылап түшүндүрүү керек.
Еврошаркеттин министрлер жыйынында кабыл алынган билдирүүдө - Судан өкмөтү эл аралык келишимдерде каралган милдеттенмелерди толук аткара баштабаса, Бириккен улуттар уюму ага каршы айрым чектөөлөрдү киргизүүсү зарыл деп айтылган.
Маалымат агенттиктери кабарлагандай, Суданга каршы дароо катаал чаралар кабыл алуу сунушун Франция чечке какты. Франция башынан эле Судандагы кыргынды токтотуш үчүн ал жакка аскерлерди жиберүү, же санкцияларды киргизүүгө макул болбой келаткан. Брюсселдеги жыйында да Франциянын тышкы иштер министри Мишель Барнье Дарфурдагы кризисти жөнгө салуу жоопкерчилиги – 53 мамлекет кирген Африка Биримдигине мойнундагы иш деп белгиледи:
-Биз Африка кошуунунун аракеттерин колдогубуз келет, Судан жайгашкан континенттеги ушул биримдик Дарфурдагы кан төгүүнү токтотуу, ал жердегилерге гуманитардык жардам көрсөтүү маселелерин өзүнө ала алат. Ошондуктан мен эртең Суданга барганда да Еврошаркет Африка Биримдигин колдой турганын айтам.
Франциянын тышкы иштер министри андан аркы сөзүндө Бириккен улуттар уюмунун Коопсуздук Кеңеши Дарфурдагы жаатташкан тараптарга таасир этиши мүмкүн деп кошумчалай кетти.
Еврошаркет жакында Суданга 208 млн. евро өлчөмүндөгү гуманитардык жардам бөлүштүргөн. Андан тышкары Африка Биримдигинин Судандагы кан төгүүнү токтотуу жолдорун изилдеп-байкай турган миссиясынын ишине 12 млн. евро берип, ал миссияга өзүнүн сегиз экспертин кошкон.
Еврошаркеттин өкүлдөрү соңку күндөрү Дарфурга гуманитардык жардам жеткирүү мүмкүн болуп калганын билдиришти.
Брюсселдеги жыйында Голландиянын тышкы иштер министри Бернард Бот Евробиримдикти кабатыр кылган жагдайларга ушу тапта Европаны кыдырып жүргөн Судандык башкы дипломат Мустафа Осмон Исмаилдин көңүлүн бурууну сунуш кылды:
- Биз Судан өкмөтүнө кысым көрсөтүүнү улантабыз, ал тууралуу бүгүнкү декларацияда да айтылды. Бирок менимче, андан да маанилүүсү, Судандын тышкы иштер министри менен жолугушууларда да ага Евробиримдиктин көз карашын, азыркы саясатын жакшылап түшүндүрүү керек.
Еврошаркеттин министрлер жыйынында кабыл алынган билдирүүдө - Судан өкмөтү эл аралык келишимдерде каралган милдеттенмелерди толук аткара баштабаса, Бириккен улуттар уюму ага каршы айрым чектөөлөрдү киргизүүсү зарыл деп айтылган.
Маалымат агенттиктери кабарлагандай, Суданга каршы дароо катаал чаралар кабыл алуу сунушун Франция чечке какты. Франция башынан эле Судандагы кыргынды токтотуш үчүн ал жакка аскерлерди жиберүү, же санкцияларды киргизүүгө макул болбой келаткан. Брюсселдеги жыйында да Франциянын тышкы иштер министри Мишель Барнье Дарфурдагы кризисти жөнгө салуу жоопкерчилиги – 53 мамлекет кирген Африка Биримдигине мойнундагы иш деп белгиледи:
-Биз Африка кошуунунун аракеттерин колдогубуз келет, Судан жайгашкан континенттеги ушул биримдик Дарфурдагы кан төгүүнү токтотуу, ал жердегилерге гуманитардык жардам көрсөтүү маселелерин өзүнө ала алат. Ошондуктан мен эртең Суданга барганда да Еврошаркет Африка Биримдигин колдой турганын айтам.
Франциянын тышкы иштер министри андан аркы сөзүндө Бириккен улуттар уюмунун Коопсуздук Кеңеши Дарфурдагы жаатташкан тараптарга таасир этиши мүмкүн деп кошумчалай кетти.
Еврошаркет жакында Суданга 208 млн. евро өлчөмүндөгү гуманитардык жардам бөлүштүргөн. Андан тышкары Африка Биримдигинин Судандагы кан төгүүнү токтотуу жолдорун изилдеп-байкай турган миссиясынын ишине 12 млн. евро берип, ал миссияга өзүнүн сегиз экспертин кошкон.
Еврошаркеттин өкүлдөрү соңку күндөрү Дарфурга гуманитардык жардам жеткирүү мүмкүн болуп калганын билдиришти.
