Улуу Британия өзүнүн Ирактагы аскерлеринин бир бөлүгүн түштүктөн өлкөнүн борбордук аймагына которууну чечкенине Вашингтон ыраазылык билдирди. Андай суранычты америкалык жетекчилик британиялыктарга октябрдын онунда жолдогон, бирок Улуу Британия коомчулугу жана бийликтеги Жумушчу партиянын ичинде дагы көптөгөн саясатчы ага каршы чыккан. Британиялык күчтөрдү которуу - америкалык аскерлерди бошотуп, алардын ирактык согушкерлерге каршы чабуулдарын күчөтүүгө көмөктөшөт. Ал эми Ирак премьер-министри Айяд Аллави кечээ күнү Мосул шаарына келгенде, ал кирген имаратка мина атылды.
