-21-ноябрдагы президенттик шайлоонун экинчи айлампасында мыйзам бузууларга орун берилгендиктен, ал элдин чыныгы эркин билдире албайт. Ушуга добуш берүүңүздөрдү өтүнөм,- деп кайрылган парламент спикери Владимир Литвиндин сунушун бул күнкү кезексиз сессияга чогулган 428 депутаттын жарымынан көбү колдоп добуш берди.
Литвин башында бул сунушту өзү киргизип "эки тарап бири-бирин массалык мыйзам бузууларда күнөөлөп жаткан чакта шайлоону жараксыз деп табуу – жалгыз туура чечим болчудай", деп негиздеген өз пикирин.
Бирок Украинанын мыйзамдары боюнча парламент Борбордук шайлоо комиссиясынын шайлоодо премьер В.Янукович жеңди деген чечимин жокко чыгара албайт, андыктан депутаттардын токтому юридикалык эмес, саясий күчкө ээ документ.
Парламент мүчөлөрү андан сырткары Борбордук шайлоо комиссиясына ишенбөөчүлүк билдирип, анын жаңы мүчөлөрүн мыйзамга ылайык президент Кучма жакынкы күндөрү Жогорку Рададагы фракциялардын кароосуна сунуш кылышы керектигин жактырышты. Ошондой эле депутаттардын чечими менен 30-ноябрга чейин атайын комиссия түзүлүп, ал комиссия президенттик шайлоо маалындагы мыйзам бузууларды иликтөөгө киришмей болду.
Парламент мүчөлөрү талкуулаган шайлоо кризиси мурунку күнү Украинага барган эларалык ортомчулардын көмөгү жана катышуусу менен өткөн Виктор Ющенко менен Виктор Януковичтин жолугушуусунда чечилбеген бойдон калган. Ал сүйлөшүүдөн кийин президент Л.Кучма тараптар кагылышуу, күч колдонууну жактабай турганын жана өкмөттүн өз милдеттерин аткаруусуна жолтоо кылбоону макулдашышканын билдирген.
3 саттай созулган ал сүйлөшүүдөн чыгар замат Виктор Ющенко чогулуп турган элдин алдына барып, кризисти чечүүнүн бир гана жолу бар – ал 12-декабрда кайра президенттик шайлоо өткөрүү деп жарыялады.
Ал тапта Киевде миңдеген кишилер катышып жаткан демонстрацияларга ушуну менен жетинчи күн кетти. В.Ющенконун тарапкерлери кыштын суугунда күндүзү митингдерге катышып, кечкисин борбордук аянтта музыка угуп бийлеп, айрымдары түнкүсүн да ошол жерде тигилген чатырлардан кетпей күн өткөрүүдө.
Ишембиде Донецк шаарында премьер В.Януковичтин 150 миңдей жактоочулары ири демонстрация өткөрүштү. Айрым маалымат каражаттары Януковичти башынан колдоп келаткан Донецк менен Луганскта жергиликтүү кеңештер борбордук бийлик кырдаалды көзөмөлдөй албай калды деп, автономия жарыялап салганын кабарлашты. Азырынча Украинадагы кырдаал ушундай нукта өнүгүп баратат.
Дүйшөмбүдө Украинанын Жогорку соту оппозициячылардын шайлоодогу адилетсиздиктер жөнүндөгү арызын карайт. Ошондо гана 21-ноябрдагы шайлоодо жеңди деп ырасми түрдө жарыяланган премьер-министр В.Януковичтин келечеги аныкталышы мүмкүн.
Литвин башында бул сунушту өзү киргизип "эки тарап бири-бирин массалык мыйзам бузууларда күнөөлөп жаткан чакта шайлоону жараксыз деп табуу – жалгыз туура чечим болчудай", деп негиздеген өз пикирин.
Бирок Украинанын мыйзамдары боюнча парламент Борбордук шайлоо комиссиясынын шайлоодо премьер В.Янукович жеңди деген чечимин жокко чыгара албайт, андыктан депутаттардын токтому юридикалык эмес, саясий күчкө ээ документ.
Парламент мүчөлөрү андан сырткары Борбордук шайлоо комиссиясына ишенбөөчүлүк билдирип, анын жаңы мүчөлөрүн мыйзамга ылайык президент Кучма жакынкы күндөрү Жогорку Рададагы фракциялардын кароосуна сунуш кылышы керектигин жактырышты. Ошондой эле депутаттардын чечими менен 30-ноябрга чейин атайын комиссия түзүлүп, ал комиссия президенттик шайлоо маалындагы мыйзам бузууларды иликтөөгө киришмей болду.
Парламент мүчөлөрү талкуулаган шайлоо кризиси мурунку күнү Украинага барган эларалык ортомчулардын көмөгү жана катышуусу менен өткөн Виктор Ющенко менен Виктор Януковичтин жолугушуусунда чечилбеген бойдон калган. Ал сүйлөшүүдөн кийин президент Л.Кучма тараптар кагылышуу, күч колдонууну жактабай турганын жана өкмөттүн өз милдеттерин аткаруусуна жолтоо кылбоону макулдашышканын билдирген.
3 саттай созулган ал сүйлөшүүдөн чыгар замат Виктор Ющенко чогулуп турган элдин алдына барып, кризисти чечүүнүн бир гана жолу бар – ал 12-декабрда кайра президенттик шайлоо өткөрүү деп жарыялады.
Ал тапта Киевде миңдеген кишилер катышып жаткан демонстрацияларга ушуну менен жетинчи күн кетти. В.Ющенконун тарапкерлери кыштын суугунда күндүзү митингдерге катышып, кечкисин борбордук аянтта музыка угуп бийлеп, айрымдары түнкүсүн да ошол жерде тигилген чатырлардан кетпей күн өткөрүүдө.
Ишембиде Донецк шаарында премьер В.Януковичтин 150 миңдей жактоочулары ири демонстрация өткөрүштү. Айрым маалымат каражаттары Януковичти башынан колдоп келаткан Донецк менен Луганскта жергиликтүү кеңештер борбордук бийлик кырдаалды көзөмөлдөй албай калды деп, автономия жарыялап салганын кабарлашты. Азырынча Украинадагы кырдаал ушундай нукта өнүгүп баратат.
Дүйшөмбүдө Украинанын Жогорку соту оппозициячылардын шайлоодогу адилетсиздиктер жөнүндөгү арызын карайт. Ошондо гана 21-ноябрдагы шайлоодо жеңди деп ырасми түрдө жарыяланган премьер-министр В.Януковичтин келечеги аныкталышы мүмкүн.
