Демонстрацияга 200 миңдей адам катышууда. Алар жакында Багдадда барымтага кармалып кеткен журналист Жулиана Сгренге тилектештик билдирип, Рим өкмөтүнөн Ирактан италиялык аскерлерди чыгарууну талап кылышууда. Элүү алты жаштагы Сгренанын мекендештерине барымтачылардын талабын аткарууга чакырып, жалбарган кайрылуусу тартылган тасма жакында телеканалдардан көрсөтүлгөн эле. Силвио Берлусконинин өкмөтү барымтачылардын талабын четке каккан.
