БИШКЕК. Анжиян козголоңуна катышкандардын үстүнөн сот Өзбекстанда 20-сентябрда башталат. Бул тууралуу Ташкендеги саясий репрессиялардын курмандыктарына арналган эстеликти көрүү учурунда Өзбекстандын президенти Ислам Каримов билдиргенин өзбек маалымат агенттиктери жазып чыкты. Ислам Каримовдун пикиринде, сот жараянында бүт чындык ачыкка чыгат. Өзбекстандын тартип коргоо органдарынын маалыматы боюнча, Анжиян козголоңуна тиешеси бар деп 187 адам кармалган, ал эми укук коргоочулар камакка алынгандардын саны 800гө чукул дешет.
