Август айынын аягында АКШнын түштүк аймактарын кыйраткан бороон-чапкын тийгизген зыян боюнча атайын комиссия түзүү сунушун АКШ Сенаты кечээ күнү четке какты. Сунушту оппозициядагы Демократиялык партия жасаган, анткени бороондун кесепеттерин азайтуу үчүн өкмөт тийиштүү чара көргөн эмес жана кийин дагы жакшы иштебеген деген пикирлер америкалык коомдо азыр өтө күчтүү. Анткен менен андай комиссия түзүү аракеттери АКШда дагы көрүлүшү мүмкүн. Бороондон беш жүздөн ашык адам курман болду жана миллиарддаган доллар зыян тийди.
