Линктер

дүйшөмбү, 24-сентябрь, 2018 Бишкек убактысы 14:16

СЫЙЛЫК ЖООПКЕРЧИЛИГИ


Бүгүн Ослодо Атомдук энергетика боюнча эларалык агенттигине жана анын жетекчисине Нобель тынчтык сыйлыгы тапшырылды.

Абройлуу сыйлык диплом, алтын медаль жана 1 миллион 300 миң доллардан турат.

- Мен тынчтык сыйлыгынын 2005-жылкы лауреаты Мохамад Эл Барадеини алтын медаль менен дипломду алуу үчүн чакырам, - деп жарыялады Нобель комитетинин төрагасы Оле Моейс.

Сыйлыкты алып жатып Барадеи өзөктүк куралды жайылтпоо үчүн мындан ары да бар аракетин жумшаймын деп ишендирди:

-Биздин мекеме чектелген бийликке жана чакан бюджетке ээ, армиябыз да жок. Бирок биздин куралыбыз - жасап жаткан ишке берилгендигибиз. Биз мындан ары да мандатыбызды көз карандысыздык жана объективдүүлүк менен аткара беребиз, - деди Эл Барадеи.

Барадеи ядролук материалдардын экстремисттик топтордун колуна өтүп кетүүсүн алдын алыш керек деп үндөдү.

- Атомдук куралды кулчулук же геноцид сыяктуу түшүнүктөрдүн катарын кошуп, аны тарыхый аномалия деп жарыялоо үчүн шарт түзүлүшү керек. Бул абдан кыйын, - деди Барадеи.
  • 16x9 Image

    Айнура Жекше кызы

    "Азаттыктын" Прагадагы кеңсесинин кызматкери, журналист, котормочу. Кыргыз улуттук университетинин чет тилдер факультетин аяктаган.

XS
SM
MD
LG