Онлайн шерине
Европадан Азияга чейин козголгон "Gen Z" же Z мууну эмнеге нааразы? Интернеттин доорунда чоңойгон муун көчөгө чыгып, эмне өзгөрткүсү келет? 2050-жылга карай Борбор Азия калкынын жарымын 30га чейинки жаштар түзүп калат. Чөлкөмдөгү өлкөлөр жаштардын ой-мүдөөсүн орундата алабы?
Кыргызстанда пенсия курагындагы мектеп мугалимдерин жумуштан кетирип, ордуна жаш адистерди алып келүү демилгеси коомчулукта курч талкуу жаратты. Агартуу министри Догдүркүл Кендирбаеванын айтымында, мугалимдердин айлык акысы жогорулагандан кийин мектептерде бош орундар үчүн атаандаштык күчөдү.
Ак илбирс, Тянь-Шань аюусу, аркар. Кыргызстан - биологиялык түрдүүлүк боюнча дүйнөдөгү өзгөчө аймактардын бири. Жаратылыш ресурстары, экология жана техникалык көзөмөл министринин орун басары Алмаз Мусаев Ереван шаарынан «Азаттыктын» суроолоруна жооп берди.
Жасалма интеллект кыргыз коомунун күнүмдүк турмушуна тездик менен кирди. Маалымат даярдоо, контент жаратуу, бизнести автоматташтыруу ЖИсиз өтпөй калды. Коңшу Казакстанда атайын министрлик түзүлүп, мыйзамдар кабыл алынса, Кыргызстанда да бул багытты жөнгө салуу талкуусу жанданууда.
Францияда окуучулардын билим берүү шарттарын жакшыртуу талабы өлкө боюнча нааразылык кыймылына айланды. Айрым шаарларда демонстранттар менен полиция кагылышты. Өкмөт октябрдын аягына чейин сунуштарды даярдоону убада кылды.
Францияда билим берүү шарттарына нааразы болгон окуучулар менен полиция кагылышты. Миңдеген адам кармалып, жүздөгөн киши жараат алды. Арасында 15 жаштагы өспүрүм бир колунан ажырады. Окуучулар сентябрдан бери мектептердеги шартты жакшыртууну талап кылып келатат.
“Учкун” ачык акционердик коомунун директору Бакытбек Султанов кызматтан кетти. Президенттин иш башкармалыгына караган мекемени эми Илгиз Тапаев жетектейт. Окуу жылынын башталышы менен Кыргызстанда китеп чыры тутанган. Айрым ата-энелер мектепте жок окуу китептери базарда турганын айтып чыгышкан.
“Учкунда” басылган окуу китептери базарга чыгып кетип, бүткүл Кыргызстанды дүрбөттү. Өкмөт териштирүү жүргүзүп, милиция иш козгоду. Катуу кайтарууда турган ишканадан китептер кантип сыртка чыгып кетти? "Азаттыктын" журналисттик иликтөөсү.
Кыргызстандын экинчи ири калаасы Ошто быйыл биринчи класска барган окуучулардын дээрлик 50 пайызга жакыны орус тилдүү мектептерди тандашкан.
Кыргызстанда мектептердеги окуучулардын коопсуздугу менен катар буга чейин козголгон китеп маселеси дагы курч бойдон турат. Министрлер кабинетинин төрагасы Адылбек Касымалиев 21-сентябрда атайын кеңешме өткөрдү.
Бишкектеги Ак Ордо конушундагы мектепте окуучулардын төрт нөөмөт менен окуганы коомчулукта талкуу жаратууда. Маалыматка караганда, 750 орунга ылайыкталган билим берүү мекемесине быйыл 4 миңден ашуун бала кабыл алынган. Мындан улам төртүнчү нөөмөттө окугандардын сабагы саат 16:45те башталууда.
Буга чейин Агартуу министрлиги быйылкы окуу жылы үчүн китеп басып чыгарууга 1 миллиард 300 миллион сом бөлүнгөнүн жарыя кылган. Мекеме мамлекеттик мектептер үчүн даярдалган окуу китептери сатууга чыгарылбасын эскерткен эле.
Дагы жүктөңүз
