"Окуу китептеринин жетишсиздиги 2030-жылы толук жоюлат"

Агартуу министрлиги быйылкы окуу жылы үчүн китеп басып чыгарууга 1 миллиард 300 миллион сом бөлүнгөнүн жарыялаган. Мекеме мамлекеттик мектептер үчүн даярдалган окуу китептери сатууга чыгарылбасын эскерткен эле. Бирок мындай билдирүүгө карабастан окуу китептеринин мектептерден мурун базарга чыгып, сатылып жатканын өкмөт териштирмей болуп жатат. Кыргызстанда мектептер качан китеп менен толук кандуу камсыз болот? Көйгөйдү чечүүгө эмне жолтоо болуп жатат? Ушул жана башка суроолор менен агартуу министринин орун басары Надира Жусупбекованы кепке тарттык.