Шаршемби күнү Кыргызстанга келген Эл аралык валюта корунун миссиясы бейшембиде өкмөт башчы Феликс Кулов менен жолугушту. Ал жабык эшик артында өттү. Эл аралык валюта корунун миссиясы учурунда өткөн жылдын көрсөткүчтөрү жана быйылкы жылдагы өкмөттүн экономикалык саясаты, бюджети талкууланары маалымдалган. Валюта корунун Жакынкы Чыгыш жана Борбор Азия боюнча департаментинин башчысынын орун басары Паолло Нойхауз жетектеген миссия Кыргызстанда 28-февралга чейин болмокчу.
