БИШКЕК. 27-майда боло турган митингге жөө жүрүш жасап, бардык дубандардан эл келип катышышы ыктымал. Бул тууралуу Азаттыкка "Реформалар үчүн" кыймылынын штабынан билдиришти. Алгач региондордо жыйындар, акциялар болуп, эмки митингге азыркыдан эки-үч эсеге көп эл катышат. Парламент депутаты Мелис Эшимканов билдиргенге караганда, азыркы бийлик 10 талапты чекесинен аткарып баштабаса 27-майда Бакиев-Кулов тандеминин отставкасы талап кылынат.
