Премьер-министр Феликс Куловдун 12-майда башталган Москвага жумуш сапары 13-майда соңуна чыкты. Ал Москвада Россиянын атомдук энергия боюнча агенттигинин башчысы, кыргыз-орус өкмөттөр аралык комиссиянын Россия тарабынын төрагасы Сергей Кириенко жана РАО ЕЭСтин башчысынын орун басары Леонид Драчевский менен жолугушуп, президент Курманбек Бакиевдин Москвага сапары учурунда жетишилген макулдашууларды турмушка ашыруу боюнча практикалык иштерди сүйлөшүшкөн. Бул тууралуу өкмөттүн маалымат кызматынан кабарлашты.
