БИШКЕК. 12-майда Баткенде болгон куралдуу кагылышуу коңшу өлкөлөрдүн күч органдарынын ортосунда кызматташтык, тыгыз байланыштын жоктугун көрсөттү. Мындай пикирин президент Курманбек Бакиев Азаттыкка берген маегинде билдирди. Мамлекет башчынын пикиринде, мындай кызматташтык болгондо азыркыдай чоң жоготуу болмок эмес. 12- майда кыргыз - тажик чек арасында жоочулардын колунан Кыргызстандын күч органдарынын алты адамы набыт болду. Парламент депутаттары болсо муну аскерий операцияны башкарган генералдардын алсыздыгы катары баалашты.
