Ушул күздө Фергана өрөөнүндө эктремисттик куралчан топтор улуттар арасында чатак чыгарганга аракет кылат. Региондогу жакырчылык, жер тартыштыгы жана жумушсуздук бузуку аракеттерге ыңгайлуу шарт түзүүдө. Бул тууралуу премьер-министр Феликс Кулов Миграция боюнча эл аралык уюмдун регионалдык өкүлү Мустафа Хасан менен жолугушууда сүйлөгөн сөзүндө баса белгиледи. Эл аралык уюмдун өкүлү өз кезегинде бул багытта колдон келген жардамын берээрин билдирди.
