Чукул кырдаалдар министрлиги түзүлгөндүгүнүн 15 жылдыгын белгилейт

БИШКЕК. Маараке 30-июнда белгиленээрин чукул кырдаалдар министринин орун басары Бакир Жолчуев билдирди. Министр орун басарынын айтымында, мааракеге Орусиянын чукул кырдаалдар министри Сергей Шойгу, министрлик менен кызматташкан эл аралык уюмдардын өкүлдөрү катышаары күтүлүүдө. Мындан сырткары Борбор Азиянын кошуна өлкөлөрүнөн да коноктор келмекчи. 1991-жылдын 1-июлунда Кыргыз өкмөтү чукул кырдаалдар боюнча мамлекеттик комиссия түзүү боюнча токтом кабыл алган. Кийинчерээк бул комиссия министрликке айланган.

Шайырбек Эркин уулу, Бишкек


Редактору Бакыт Орунбеков