БИШКЕК. Башкы прокурор Камбаралы Конгантиев 30-июнда маалымат жыйынын өткөрүп, анда 2005- жыл 24-март окуясынан кийин козголгон кылмыш иштердин абалы тууралуу маалымат берди. Конгантиевдин айтымында, жалпысынан мурдагы президент А. Акаев жана анын жакындарына байланыштуу 105 кылмыш иши козголуп, алып келген зыян 564 миллион сом жана 32 миллион 400 миң доллар деп бааланган. Алардын айрымдары боюнча тергөө иши улантылып, эски президент Акаевдин үйбүлө мучөлөрү Адил Тойгонбаев, Айдар Акаев дагы эле издөөдө жүрөт.
