ЖАЛАЛАБАТ. Кеңешмеде расмий катталбаган “Хизб-ут-тахрир” партиясы тымызын иш жүргүзүү менен катарына жумушсуз жана билимсиз жаштарды тартып жатканы айтылды. Христианчылыктын башка түйүндөрүнө кирген адамдардын саны да өсүп жатат. Мындай көрүнүштөргө туруктуу идеологиянын жоктугу себеп болууда. Айрымдар ислам мамлекетин курууга чакыргандарга катуурак жаза колдонууну сунуш кылышты. Расмий өкүлдөр агрессивдүү ыкмаларды пайдаланууну четке кагып, дин ишмерлерин элге экстремизм менен терроризмдин коркунучтуулугун туура түшүндүрүүгө чакырышты. Кеңешме резолюция кабыл алуу менен жыйынтыкталды.
