БИШКЕК. Жоопкерчилиги чектелген БИТЕЛ компаниясынын жетекчилиги компаниянын мүлкүн россиялык АLTIMO холдингине кирген «Скай Мобайл» компаниясына сатып жаткандыгын жарыялады. БИТЕЛдин башкы директору Денис Шершневдин айтымында, мындай кадамга жетекчилик лицензиядан ажырап калуу ыктымалдыгын эске алып барды. Буга чейин Байланыш боюнча улуттук агенттик БИТЕЛ ишканасына кардарларды тейлөөдө олуттуу кемчиликтер кетип жаткандыгын эскерткен. Болжол менен БИТЕЛдин кызматынан алты жүз миң чамалаш кардар пайдаланат.
