БИШКЕК. Кыргызстандагы өзбек качкындарынын маселеси башкы прокуратура тарабынан жакын арада каралат. Бул тууралуу башкы прокуратуранын жооптуу кызматкери Сумар Насиза 22-июлда билдирди. Оштогу убактылуу абакта кармалып турган беш өзбек атуулуна Кыргызстандын сот органдары качкын статусун берүүдөн баш тарткан. Эми башкы прокуратура аларды Ташкенге, же үчүнчү өлкөгө өткөрүп берүү маселесин чечүүгө тийиш. Өзбек качкындары Анжиян окуясынан кийин массалык түрдө Кыргызстанга качып өткөн.
