Улуттук коопсуздук кызматтынын өкүлдөрү 6-августа кечки саат 10дон өткөн мезгилде Ош шаарында атайын операция өткөрүп, анын жүрүшүндө куралдуу үч атуулду жок кылышкан. Бул тууралуу УККнын өзүн Нурбек Токбаев деп атаган жооптуу кызматкери билдирди. Маалыматка караганда, «Дэу Нексия» автунаасы токтотууга берилген буйрукту аткаруудан баш тартып, андагы жарандар тартип коргоо органдарына каршы ок атышкан. Улуттук коопсуздук кызматкерлеринин жооп огунан автоунаадагы үч атуул өлтүрүлгөн. Автоунаадан бир автомат, беш граната, карта, диний китепчелер жана көп сандагы ок дары алынган. Учурда тергөө иштери жүрүп, алардын тарапкерлери изделүүдө, деп кошумчалады Нурбек Токбаев.
