БИШКЕК. Бул тууралуу «Азаттыкка» маркум имамдын уулу Рашуд Камалов билдирди. Анын айтымында, митингдин катышуучулары тиешелүү тараптардан имамдын өлтүрүлүшүнүн себептерин түшүндүрүү талабы менен чыгышкан. Бирок, чакырылган бийлик өкүлдөрү жана тиешелүү кызматтардын жетекчилери келбеген соң, митинг башка күнгө которулду. Эскерүү митингине чогулган элге дин иштери боюнча мамлекеттик агенттиктин башчысы Жолборс Жоробеков учурда имамдын кандай шартта террорчулардын катарында болуп калганы ар тараптуу иликтенип жатканы тууралуу Улуттук коопсуздук кызматынын маалыматын окуп берди.
