БУУ ЖАКЫНКЫ ЧЫГЫШ БОЮНЧА РЕЗОЛЮЦИЯ КАБЫЛ АЛДЫ

13-Август, 2006

Бул документ Израил менен Ливанда жайгашкан Хезболла согушчандар ортосунда кан төгүүнү тез арада токтотууга чакырат. Резолюцияда Ливанга 15 миң аскерден турган бейпилдик күчтөрдү киргизүү жана Ливандан акырындап Израилдин аскерлерин чыгаруу каралган.

Израил Ливанга чабуулун токтоткон жок. Израил армиясынын кол башчысы Дан Халуц билдиргенге караганда, Ливандагы израилдик аскерлердин саны үч эсеге көбөйтүлдү. Анын айтымында, Ливанга каршы аскердик операциялар жок дегенде бир жумага чейин созулат. Израил бийлиги эл аралык бейпилдик күчтөр киргизилгенде анын аскерлери Ливандан чыгарылат деп ишендирүүдө.

Чолпон Орозобекова, Прага