Жогорку Кеңештин депутаты Өмүрбек Текебаев 6-сентябрда Варшавада Польшанын чекара кызматкерлери тарабынан баңгизат менен кармалган. Чекарада текшерүү учурунда анын алып жүргөн жүгүнөн 595 грамм героин чыккан. Өмүрбек Текебаев Варшаванын округдук прокурорунун буйругу менен СИЗОго камалып,ага баңгизаттарды жашыруун алып жүргөн жана ташыган деген айып коюлуп жаткан.
Кыргыз парламентинин бир катар депутаттары жана укук коргоочулар Текебаевдин баңгизат менен кармалышын бийликтин тукуруусу астында атайын кызматтар жасаган кыянат провокация деп билдирүү жасашкан. Президент Курманбек Бакиев Башкы прокуратура менен Тышкы иштер министрлигинин биргелешкен комиссиясын түзүп, Текебаевге укуктук жардам көрсөтүү үчүн Варшавага жөнөткөнү жаткан. Парламент дагы депутаттык комиссия түзүп, алты депутат Польшага барганга камданып атышкан болчу. Текебаевдин шайлоочулары Жалалабат областында бул инцидент үчүн бийликти айыптап, Бишкек-Ош кан жолун тосуп чыгышкан.
Кыргыз парламентинин бир катар депутаттары жана укук коргоочулар Текебаевдин баңгизат менен кармалышын бийликтин тукуруусу астында атайын кызматтар жасаган кыянат провокация деп билдирүү жасашкан. Президент Курманбек Бакиев Башкы прокуратура менен Тышкы иштер министрлигинин биргелешкен комиссиясын түзүп, Текебаевге укуктук жардам көрсөтүү үчүн Варшавага жөнөткөнү жаткан. Парламент дагы депутаттык комиссия түзүп, алты депутат Польшага барганга камданып атышкан болчу. Текебаевдин шайлоочулары Жалалабат областында бул инцидент үчүн бийликти айыптап, Бишкек-Ош кан жолун тосуп чыгышкан.
