Учурда Европа Биримдигине жетекчилик кылган Финляндиянын тышкы иштер министри Эркки Туомиоянын айтымында, Палестина автономиясынын жаңы бирдиктүү өкмөтү менен Биримдик сүйлөшүү баштоого даяр. Ал үчүн жаңы өкмөт кошуна Израилди таанып, күч колдонуу аракеттеринен баш тартууга тийиш. Палестинада үстүбүздөгү жылдын январында өткөрүлгөн парламенттик шайлоодо "ХАМАС" уюму жеңип чыккандан кийин андай байланыштар токтотулган. Премьер-министр Исмаил Хания ордунда калганы менен, 13-сентябрда Палестина өкмөтү таркатылган жана азыр жаңы өкмөт түзүү аракеттери көрүлүүдө.
