Нарын шаардык соту бүгүн 21 жаш курактагы Бакытбек Батыркановдун үстүнөн соттук териштирүүнү баштады. Бакытбек Батырканов Нарын шаарындагы ири ишкер Талас Байбосовду өлтүргөн деп июль айында камакка алынган. Ишкердин сөөгү болсо 29-мартта түнкү саат беш жарым чамасында экинчи үйүнөн табылган жана денесине бир нече жолу бычак сайылгандыктан кансырап өлгөнү аныкталган.
