БИШКЕК. 2-ноябрдагы митинг маалында бирөөнүн менчигине, соода борборлоруна кол салуу өңдүү бузуп-талкалоолорго жол берилсе, аны уюштургандарга жана аткаргандарга каршы мыйзам чегинде күч колдонулат. Мындай пикирин президент Курманбек Бакиев кечээ журналисттердин суроолорунан улам билдирди. «Демократия жана жарандык коом үчүн» коалициясынын лидери Эдил Байсалов митингде оппозиция чыр чыгарууга кызыкдар эмес, бирок, үчүнчү күчтөр учурдан пайдаланышы мүмкүн деп болжоду. (BuS)
