Бишкекте борбордук аянттагы нааразылык митинги бүгүн саат ондо кайрадан жанданды. Түнү менен аянтта түнөп калган митингчилердин катарына эртен менен кайрадан дагы эки миңге жакын эл келип кошулду. «Реформа үчүн» кыймылынын лидерлери баштаган митингичилер шаардык мэрияга жана КТРдин имаратына чейин жөө жүрүш жасап, бул мекемелердин жетекчилеринин отставкасын талап кылышты. Бирок, имаратты курчай тизилген милиция кызматкерлери депутаттарды киргизишкен жок. КТРдин жетекчиси Кыяз Молдокасымов менен оппозициядагы депутаттардын ортосунда чыр чыгып кетти.Түштөн кийин «Реформа үчүн» кыймылы Алатоо аянтында митингдин экинчи баскычын баштады.
