Алатоо аянтындагы «Реформа үчүн» кыймылы баштап чыккан митингичилердин катары бүгүн бир нече эсе калыңдады. Байкоочулардын баамында аянтка болжол менен кырк миңден элүү миңге чейинки адам жыйналды. Оппозиция өкүлдөрү өздөрү митингге жүз миңдей адам келди деп белгилешүүдө. Миңдеген митингичилер конституциялык реформаларды жана президент менен премьер-министрдин отставкасын талап кылган ураандарын чакырып, Өкмөт үйүнүн, Бишкек мэриясынын жана КТРдин алдына чыгышты.
