Курманбек Бакиев депутаттардан президентке Улуттук банк төрагасын, баш прокурорду, эсеп палатасы менен БШК төрагасын өз эрки менен кызматтан бошотуу укугун берүүнү суранган. Макулдашуу комиссиясы иштеп чыккан вариантта президент бул кызматтагыларды парламенттин макулдугу менен гана бошото турган норма бар болчу. Депутаттар буга макул болушту. Парламентарийлер мындан сырткары Курманбек Бакиевдин президентке депутаттык корпустун үчтөн экиси эмес, төрттөн үчү импичмент жарыялоого укуктуу болсун деген сунушун да кабыл алышты.
