ЕККУ Азербайжанда маалымат каражаттарынын абалы начарлап кеткенин белгиледи. Уюмдун сөз эркиндиги боюнча өкүлү Миклош Харази бул маселеге байланыштуу тынчсыздануусун билдирип, президент Илхам Алиевге кат жолдоду. Харази көз карандысыз АНС телекомпаниясынын жабылышын жана оппозициялык “Азаттык” гезитинин имараттан чыгарылып салынышын белгиледи. Мындай абал маалымат каражаттарынын көбөйүүсүнө тоскоол болуп, сөз эркиндигин чектеп жатат, дейт Харази.
