Линктер

ЧУКУЛ КАБАР!
17-Январь, 2022 дүйшөмбү, Бишкек убактысы 23:55

СҮРӨТ БАЯН: КОЧКОР ЗИЛЗАЛАНЫН ЗЫЯНЫН ЭСЕПТЕП ЧЫКТЫ


Кочкор районунда жер титирөөдөн жабыркаган турак жайларды, имараттарды өкмөттүк комиссия текшерип карап бүтүп калды. Өзгөчө кырдаалдар министринин милдетин аткаруучу Жаныш Рүстенбековдун айтымында, текшерүү Кочкорду жана Тоң районун, Балыкчыны кошуп алганда жалпысынан жети миңден ашык үй жабыркаганын аныктап чыкты. Алардын ичинде бир жарым миң үйдө жашоо мүмкүн эмес табылды. Мамлекеттик биринчи жардам ушул жашоого жараксыз үйлөрдү калыбына келтирүүгө жумшалат. Кочкор районуна өлкөнүн туш тарабынан, чет мамлекеттен дагы жардамдар келип түшүүдө. АКШнын өкмөтү 64 миң долларга жардам көрсөттү . Анын эсебинен райондук оорукананын ичинте чоң аскердик чатыр тигилди, анда медициналык жардам көрсөтүү борбору жайгашты. Мындан сырткары, жылуу кийимдер, төшөнчү орундар жеткирилди. Министр Ж. Рүстенбековдун эсеби боюнча, Кочкор районуна азыркы күнгө төрт миллион сегиз жүз миң сомдук жардам келди. Буга кошумча Бишкек мэриясы 3 жарым миллион сом жардам которуп жатканын билдирип, 25 автоунаа менен гуманитардык жардам жеткирди.























XS
SM
MD
LG