БИШКЕК. Азимбек Бекназаров жетектеген депутаттык комиссиянын отчету февраль ичинде талкууга коюлат. Бүгүн күн тартиби талкууланып жатканда Азимбек Бекназаров комиссия ишин негизинен бүтүп калганын, анын үстүнө башкы прокуратуранын бир катар кылмыш иштери боюнча позиция белгилүү болуп калганын билдирди. А.Бекназаров Аксы окуясына күнөөлүү делген чиновниктерден жалгыз гана Жалалабат облусунун мурдагы губернатору С.Урманаев айыптуу деп табылып, кайра ал мунапыс аркылуу акталганын айтты. Бекназаровдун маалыматы боюнча Аксы окуясында курман болгондордун туугандары башкы прокуратуранын ишине нааразы болуп жатышат. (КО)
