БИШКЕК. Депутат Тайырбек Сарпашев бүгүнкү парламент жыйынында буйуруп киши өлтүрүүгө байланыштуу кылмыштардын ачылышы боюнча түзүлгөн депутаттык комиссиянын жыйынтыгы даяр, аны ушул февраль ичинде карайлы деген сунуш киргизди. Ал колдоо таап, бул маселе февраль ичинде каралмак болду. Соңку учурда Кыргызстанда буйуруп киши өлтүрүүлөрдүн саны өсүп, анын ичинде парламенттин 3 депутаты дагы киши колдуу болгон. Милиция маалыматы боюнча, буйуруп киши өлтүрүү кылмыштарынын ачылышынын көрсөткүчү төмөн бойдон калууда. (КО)
