Таластын Бекмолдо айыл өкмөтүнүн тургундары «Жерүй алтын» компаниясына каршы бул нааразылык чараны үч күн мурда баштаган. Алар Жерүйгө жумушчулардын 70 пайызы жергиликтүү калктан алынышын, компания берген убадаларын жана эл тарабынан буга чейин коюлган талаптарды тез арада аткаруусун талап кылууда. Кечээки нааразылык чарага 300 чакты адам катышканын «Азаттыкка» Бекмолдо айылынын тургундары кабарлашты. Алардын айтымында, бул жерге 3 боз үй тигилип, нараазылык чара 3 күндөн бери күнү-түнү уланууда. (SM)
