Косово маселеси кандай чечилет деп Кавказда кызуу талкуу жүрүп жаткан кез. Брюсселде Европарламенттин Түштүк Кавказ боюнча делегациясы менен жолугушкан Бакулук элчи Азиз Азимов Косово менен Тоолуу Карабакты салыштырууга болбойт деп белгиледи.
- Косово жана Азербайжан-Армян чатагы эки башка. Тоолуу Карабак чатагында Армения Азербайжандын аймагын ачык талап кылып отурат. 1992-жылы кадимки кандуу уруш болду, андай куралдуу тирешүү мурда да болуп келген.
Европарламент мүчөлөрү алдында 45 мүнөттөй сүйлөгөн Азимов аймактык чатактар эки тараптын кызыкчылыгында чечилиши керек деп белгиледи. Балкандагы чырдуу аймакка айланган Косово чөлкөмүнө Улуттар уюмунун атайын өкүлү эл аралык көзөмөл алдындагы көз карандысыздык берүүнү сунуш кылган. Маселе чечиле элек, ошентсе да аны утурлай Евробиримдик Косовонун тагдыры постсоветтик аймактагы чатактуу чөлкөмдөргө көчүрүлбөйт деп алдын-ала билдирди. Брюсселде таратылган билдирүүдө Косово - өзгөчө чөлкөм экени, аймак көптөн бери Улуттар уюмунун башкаруусунда экени айтылат.
Евробиримдиктин көпчүлүк өкүлдөрү Косовонун көз карандысыздыгы негизинен чечилген маселе экенин айтышат, бирок Брюсселдеги жолугушууда Европарламенттин мүчөсү Ханнес Свобода Косово менен Тоолуу Карабакты салыштырып болбойт деген Бакунун көз карашына колдоо билдирди.
- Кантсе да, Косово эми эч убакта Сербиянын бир бөлүгү боло албайт. Тоолуу Карабак менен айрым бир салыштыруулар болушу мүмкүн. Маселе – силердин укугуңар кайсылар? Мыйзамдуу көз караштан алганда, Тоолуу Карабак – басып алынган аймак. Бирок ушу тапта Азербайжан, Армения, Тоолуу Карабактын калкынын келечеги үчүн кайсыл жол туура? – деген суроо баарынан көйгөйлүү.
Азербайжандын тышкы иштер министринин орун басары Азиз Азимов президент Илхам Алиевдин пикирин кайталап, Баку Тоолуу Карабак маселесинде эч убакта артка чегинбейт деп белгиледи. Бакулук дипломат: “Армения качкынга айланган азербайжан калкына Тоолуу Карабакка кайтып барып жашоосуна жол ачышы керек, техникалык жактан алганда Армения кандуу согушту уткандыр, бирок ал согуш али аяктай элек. Баку куралын силкип коркуткан жери жок, баарын сүйлөшүүлөр аркылуу чечүү мүмкүн”, - деп кошумчалай кетти.
- Косово жана Азербайжан-Армян чатагы эки башка. Тоолуу Карабак чатагында Армения Азербайжандын аймагын ачык талап кылып отурат. 1992-жылы кадимки кандуу уруш болду, андай куралдуу тирешүү мурда да болуп келген.
Европарламент мүчөлөрү алдында 45 мүнөттөй сүйлөгөн Азимов аймактык чатактар эки тараптын кызыкчылыгында чечилиши керек деп белгиледи. Балкандагы чырдуу аймакка айланган Косово чөлкөмүнө Улуттар уюмунун атайын өкүлү эл аралык көзөмөл алдындагы көз карандысыздык берүүнү сунуш кылган. Маселе чечиле элек, ошентсе да аны утурлай Евробиримдик Косовонун тагдыры постсоветтик аймактагы чатактуу чөлкөмдөргө көчүрүлбөйт деп алдын-ала билдирди. Брюсселде таратылган билдирүүдө Косово - өзгөчө чөлкөм экени, аймак көптөн бери Улуттар уюмунун башкаруусунда экени айтылат.
Евробиримдиктин көпчүлүк өкүлдөрү Косовонун көз карандысыздыгы негизинен чечилген маселе экенин айтышат, бирок Брюсселдеги жолугушууда Европарламенттин мүчөсү Ханнес Свобода Косово менен Тоолуу Карабакты салыштырып болбойт деген Бакунун көз карашына колдоо билдирди.
- Кантсе да, Косово эми эч убакта Сербиянын бир бөлүгү боло албайт. Тоолуу Карабак менен айрым бир салыштыруулар болушу мүмкүн. Маселе – силердин укугуңар кайсылар? Мыйзамдуу көз караштан алганда, Тоолуу Карабак – басып алынган аймак. Бирок ушу тапта Азербайжан, Армения, Тоолуу Карабактын калкынын келечеги үчүн кайсыл жол туура? – деген суроо баарынан көйгөйлүү.
Азербайжандын тышкы иштер министринин орун басары Азиз Азимов президент Илхам Алиевдин пикирин кайталап, Баку Тоолуу Карабак маселесинде эч убакта артка чегинбейт деп белгиледи. Бакулук дипломат: “Армения качкынга айланган азербайжан калкына Тоолуу Карабакка кайтып барып жашоосуна жол ачышы керек, техникалык жактан алганда Армения кандуу согушту уткандыр, бирок ал согуш али аяктай элек. Баку куралын силкип коркуткан жери жок, баарын сүйлөшүүлөр аркылуу чечүү мүмкүн”, - деп кошумчалай кетти.
