Линктер

ЧУКУЛ КАБАР!
23-Март, 2025-жыл, жекшемби, Бишкек убактысы 15:14

ФЕЛИКС КУЛОВ: ПРЕЗИДЕНТ ТАЛАПТАРЫБЫЗДЫ АТКАРУУГА ДАЯРДЫГЫН КЕПИЛДЕСИН


Бириккен фронт президент К. Бакиев менен эч кандай сүйлөшүүгө барбайт жана койгон талаптарынын аткарылышы боюнча 6-апрелге чейин ачык жоопту талап кылат. Бул жөнүндө Феликс Кулов бүгүн билдирүү жасады. Анын айтымында, Бириккен фронт мурдагыдай эле чукул президенттик шайлоо өткөрүү, чыныгы конституциялык реформаларды жүргүзүү жөнүндө талаптарды коюп жатат. Президент бул талаптарды аткарууга даяр экендигин сөз жүзүндө эмес, иш жүзүндө көрсөтүшү керек. Башкача айтканда, 2006-жылы декабрдагы конституцияны жокко чыгарышы жана ошондой эле ноябрдагы конституциянын негизинде коалициялык өкмөт түзүүсү керек. Бул үчүн Бириккен фронт конституциялык мыйзам даярдап бийликке сунуш кылып жатат. Ал мыйзамдолбоору боюнча өкмөттү парламент курайт, премьер-министр президенттин кийлигишүүсүз парламент тарабынан бекитилет. Өкмөт мүчөлөрү президенттин макулдугу менен премьер-министр тарабынан дайындалат. Губернаторлор, акимдер Өкмөттүн сунушу боюнча коюлат. Бул талаптарды аткаруу болмоюнча президент менен эч кандай сүйлөшүүлөр мүмкүн эмес. Бирок ага чейин эле Бириккен фронттун көпчүлүк мүчөлөрү президентти кызматтан кетирүү жөнүндө кошумча талап көтөрүп жатышат. Эгер мурда койгон талаптарды аткаруу боюнча 6-апрелге чейин ачык жооп айтылбаса, анда президенттин отставкасы жөнүндө маселе коюлушу мүмкүн. (KCh)

XS
SM
MD
LG