Бүгүн Бишкекте саат 14.00 дө Бириккен фронттун чукул президенттик шайлоону талап кылган мөөнөтсүз митинги башталат. Алатоо аянтында жыйырма чакты боз үй, 52 палатка тигилип, радиоаппаратуралар орнотулууда. Эртең менентен тарта борбордук аянтка эл агылып келе баштады. Биринчилерден болуп митингди уюштуруучулар, тартипке жооп берген чакан топтор келди. Бир эле учурда Назаралиевдин медициналык борборунун, Октябрь кинотеатрынын, Улуттук филармониянын, Уркуянын эстелигинин жанында жана Жеңиш аянтында сырттан келгендер чогулуп жатышат. Алар жыйналгандан кийин колонна-колонна болуп, Алатоо аянтына басып өтүшөт.
