Бириккен фронттун штаб башчысы Өмүрбек Субаналиев, "Реформа" кыймылындагы саясатчы Өмүрбек Абдрахманов жана "Канжар" жаштар уюмунун жетекчиси Адилет Айтикеев Улуттук коопсуздук боюнча мамлекеттик комитеттин камагынан чыгышты. Бул кабарды "Азаттыкка" Адам укуктары боюнча президенттин алдындагы комиссиянын төрагасы Турсунбек Акун «Азаттыкка» билдирди. Укук коргоочулар эки-үч күндөн бери бул саясатчылардын баш коргоо чарасын өзгөртүүнү талап кылып УКМК алдында пикет өткөрүп жатышкан. Аларды бошотууну суранып бүгүн Бириккен фронттун лидери Феликс Кулов өзү да УКМКке кирип чыккан.
