Мындай маалыматты ишкананын басма сөз кызматы таратты. Анда белгиленгенге караганда, ишкана 2006-жылдын биринчи жарымында 188 440 унций алтын өндүрсө, быйыл биринчи жарым жылдыкта 149 436 унций алтын иштеп чыккан. Чыгымдын айрым бөлүгү алтындын баасынын көтөрүлүшүнүн эсебинен калыбына келтирилүүдө. Былтыр бир унций 627 доллар болсо, быйыл 670 доллар болду. «Кумтөр Оперейтинг Компани» ишканасы быйыл 4647,9 кг. алтын өндүрдү. Маалыматка караганда, өткөн жарым жыл ичинде ишкана мамлекеттин эсебине салык жана милдеттүү төлөмдөр үчүн 530 млн. сом которду. (BuS)
