2003-жылы экс-президенттин уулу Айдар Акаев каржы министрлигинде башкы кеңешчи болуп турганда канадалык “Камеко” компаниясы менен Кумтөргө байланыштуу маселени өзү сүйлөшкөн. Анын кесепетинен Кыргызстан өзүнө тиешелүү энчиден куру калган. Айрым маалыматтар боюнча Акаевдер 350 млн. доллардан 500 млн. долларга чейин пайда көргөн, деп билдирди каржы министри Акылбек Жапаров бүгүн маалымат жыйынында. Анын айтымында, "Кумтөр" боюнча эксперттик топтун мүчөсү Орозбек Дүйшеев элдин байлыгына кол салып, ортодон пайда көргөндөрдү жоопко тартуу маселесин көтөрүүдө. (AJ)
