Алмазбек Текебаевдин ишин бүгүн Ош шаардык соту кароого киришти. Бүгүн сотко бир күбө жана бир жабырлануучу келди. Сот жума күнгө которулду. ЖК депутаты, «Атамекен» саясий партиясынын лидери Өмүрбек Текебаевдин иниси, Ош шаарындагы Новаи паркынын директору 4-сентябрда бейбаштык кылды, мамлекеттик кызматкерлерге кол көтөрдү деген айып менен камакка алынган. Текебаевдин тарапкерлери муну саясатчыны каралоо максатында жасалган бийликтин аракети катары баалоодо. (BuS)
